Музей кинотеатрында «Көшпенді», «Біз осында тұрамыз» фильмдерінің көрсетілімі өтеді
ҚР Мемлекеттік Орталық музейінде 2022 жылдың 21 қазанында сағат 15.00-де Республика күніне арналған «Гүлдене бер, менің Қазақстаным» патриоттық іс-шарасы өтеді, деп хабарлайды Almaty-akshamy.kz.
Республика күні – Тәуелсіз Қазақстанның өміріндегі маңызды күн. Қазақстан Президенті Қасым-Жомарт Тоқаев ұлттық мереке мәртебесін Республика күніне қайтаруды ұсынды. Бұл күн еліміздің мемлекеттілікке деген батыл қадамының символына айналуы тиіс екенін атап өтті.
Іс-шараның мақсаты – студенттердің Қазақстан Республикасының даму және қалыптасу жолы туралы білімдерін байыту, еліміздің тарихына деген қызығушылық пен құрметті қалыптастыру, патриоттық сезім мен туған жерге деген сүйіспеншілікке тәрбиелеу.
Іс-шара аясында келушілер назарына Қазақстан Республикасы Ұлттық Ұланның «Жауынгерлік жанұядай ұйысқан, ұлттық ұлан – елі мен халқына қорған» көрмесі ұсынылады (фотосуреттер, кітаптар, марапаттар және т.б.).
Іс-шара бағдарламасында: мектеп оқушыларының «Біздің Отанымыз - Қазақстан» атты қойылымы, мектеп оқушыларының Республика күніне арналған өлең оқулары, слайд-шоу, «Ұлы елім менің» викторинасы, концерт, Орал Таңсықбаев атындағы Республикалық сәндік-қолданбалы өнер колледжінен дәстүрлі қолөнер түрлері, «Творим вместе» кескіндеме мектебі мен «Giraffe ar tschool» қосымша білім беру орталығынан сәндік-қолданбалы өнер бойынша шеберлік-сабақтар. Мерекелік күні музей кинотеатрында «Көшпенді», «Біз осында тұрамыз» фильмдерінің көрсетілімі өтеді.
«Гүлдене бер, Қазақстаным» патриоттық іс-шарасын өткізу өскелең ұрпақты адамгершілік-патриоттық тәрбиелеуге және шығармашылық тұрғыдан дамытуға ықпал етеді.