Құрбан айт шілденің 9-ы күні басталып, үш күнге жалғасады.
Мегаполисте биыл құрбандық шалуға 13 орын белгіленді. Бұл туралы брифинг барысында Алматы қаласының бас имамы Оспан Төлеби айтты, деп хабарлайды Almaty-akshamy.kz.
Алматыда құрбандық шалу рәсімі офлайн және онлайн режимінде өтеді.
«Алматы қаласының әкімдігі тарапынан офлайн форматта құрбандық шалуға және мал сатуға рұқсат етілген қала аумағында арнайы 13 орын бекітілді»,- дейді Алматы қаласының бас имамы Оспан Төлеби.
Атап айтар болсақ, Алатау ауданы бойынша
– Мырзахмет мешіті, Әскер ата мешіті, Алғабас мешіті, Әл-әзим мешіті;
- Бостандық ауданы бойынша – Бақыткелді мешіті;
- Медеу ауданы бойынша – Аманқұл ата мешіті, Фатима мешіті, Райымбек батыр мешіті;
- Наурызбай ауданы бойынша – Қалқаман мешіті, Қарағайлы мешіті және Таусамалы базары;
- Түркісіб ауданы бойынша – Қайрат мешіті;
- Жетісу ауданы бойынша – Войнах мешіті.
Құрбан Айт - мұсылмандардың ең маңызды мерекелерінің бірі, ол Ораза аяқталғаннан кейін 70-ші күні тойланады. Биыл Құрбан айт шілденің 9-ы күні басталып, үш күнге жалғасады. Бұған дейін Құрбан айтта Алматының орталық мешітінде спартакиада өтетіні туралы жазған болатынбыз.