Алматыда Түрксіб ауданы, Бекмаханов көшесі, 2/16 үй мекенжайы бойынша орналасқан жиһаз қоймасы өртеніп жатыр.
Қазір Алматы ТЖД күштері мен құралдары жоғары дәрежелі өртті сөндіріп жатыр, деп хабарлайды Almaty-akshamy.kz.
«Алдын ала мәлімет бойынша, қойма өртке оранған. Көрші қойма үй-жайларын қорғау және өртті сөндіру үшін өрт саптамалары орнатылды, өрт гидранттарына цистерналар орнатылды. Өрт сөндіруге арналған екі аймақ құрылды. Өрттің қоймада сақталған ағашқа таралуына жол берілмеді», делінген департамент хабарламасында.