Бүгін Алматы қаласы әкімінің Бостандық ауданы тұрғындарымен кездесуінде аудан тұрғыны автобус жүргізушілері өздерін неге дөрекі ұстайтынын, рөлде отырып телефонмен сөйлеседі, темекі шегеді. Әрине мұның барлығы жолаушылардың денсаулығына кері әсерін тигізетінін тілге тиек етті, деп хабарлайды Almaty-akshamy.kz.
Бұл мәселенің екі жағы бар. Бірінші тарап қызмет көрсету сапасына байланысты. Қалада бір ғана мемлекеттік оператор – "Алматыэлектротранс" және 24 жеке оператор бар. Бізде жеке операторларға қатысты түскен шағымдар жетерлік. Мемлекет басшысы Алматыға келген соң индустрия министрлігіне, көлік комитетіне тасымалдау жөніндегі қолданыстағы шарттарды қайта қарауды тапсырды,демек жауапкершілік артады деген сөз. Жауапкершілік барлығына қатысты болады, жүргізушілерге де, автобустың жағдайына да. Күзде ережелер өзгереді деп үміттенеміз және біз олардан барлық қажетті заттарды ресми түрде талап ете аламыз. Яғни, біз барлық операторларды – жеке және мемлекеттік операторларды – халыққа қызмет көрсетудің бірыңғай деңгейіне жеткізгіміз келеді.
Екінші жағы. Бізде бұрылатын пункттер жоқ. Биыл 10-пункт, ал келесі жылы тағы 10 пункт ашамыз. Демек, жүргізушілерге маршрут аяқталғаннан кейін демалуға және т.б. мүмкіндік туады.
Жүргізушілердің тапшылығына қатысты мәселе де өзекті. Біз олардың жеткілікті санын жинай алмаймыз, үміткерлерге тиісті біліктілікті алу қиынға соғады. Тағы бір себеп жатақханалардың болмауы, себебі жүргізушілердің 80% - ы Алматыда тұрмайды. Сондықтан біз жүргізушілер азаматтарға сапалы қызмет көрсетуді талап ету үшін жағдай жасағымыз келеді.
Барлық қолда бар фактілер бойынша әкімдік, қалалық мобилділік басқармасы қажетті шараларды қабылдауға дайын. Жолаушылардың шағымдары бойынша айыппұлдар жағдайды өзгертпейді. Сіз дұрыс байқағансыз, жүргізушінің жұмысы өте жауапты. Автобуста жолаушылар көп болған кезде жүргізушілердің еңбек жағдайлары мен жалақылары да соған лайық болуы тиіс, -деп жауап берді Алматы әкімі Ерболат Досаев.