Алматыда 1200-ден астам жұмысшы мен 573 бірлік техника қар тазалауға жұмылдырылды.
Алматыда «Қазгидромет» деректеріне сәйкес, бір тәулікте 18 см қар жауды, бұл қаңтардағы норманың 31%-ын құрайды. Каменское платодағы қар қалыңдығы – 21 см, ал Медеуде – 12 см.
Түнгі уақытта көшелерді тазалау үшін 573 арнайы техника мен 711 жол жұмысшысы жұмылдырылды. Қарды сыртқа шығаруға 203 самосвал тартылды. 23 қаңтар күні таңертең 9600 текше метр қар сыртқа шығарылды.
22 қаңтардың кешінен бастап, 26 техника колоннасы жол полициясының патрульдік машиналарымен бірге қар күреу жұмыстарын жүргізді. Қалың қар 23:30-да басталды, содан кейін қарды қайта тазалау жұмыстары таңғы 4:00-де ұйымдастырылды.
Күндізгі уақытта 475 бірлік арнайы техника мен 1280 жол жұмысшысы жұмылдырылды. Шағын көлемді техниканың 95 бірлігін пайдаланып, тротуарларды, қоғамдық кеңістіктерді және әлеуметтік маңызы бар объектілерге кіреберістерді механикаландырылған тазалау жүргізілді. Сондай-ақ, қоғамдық көлік аялдамалары мен жер үсті өткелдерін қолмен тазалау жұмыстары да атқарылуда.
Аудан әкімдіктерінде қар тазалау жұмыстарын бақылау бойынша тәулік бойы кезекшілік ұйымдастырылды.
Алматыда 22 қаңтарда таңертең қар жауа бастады. «Қазгидромет» РМК болжамы бойынша, 23 қаңтарда сағат 16:00-ден бастап тәуліктің соңына дейін қар жауады деп күтілуде. Ауа температурасы күндіз -5...-7°С, ал 24 қаңтарда жауын-шашынсыз бұлтты ауа райы күтіледі. Түнде ауа температурасы -18...-20°С-қа, күндіз -12...-14°С-қа дейін төмендейді.