16-17 желтоқсанда Алматыда 9 см-ге жететін қар жауып, оны жаппай тазалау бойынша жұмыстар жүргізілді. Жолға көктайғаққа қарсы материал себіліп, қарды жолдың жиегіне қарай тырмалап үйіп, оны жаппай шығару жұмысы жүргізілуде.
Сағат 17:00-дегі жағдай бойынша 6300 м3 қар шығарылды.
Қар шығару бойынша негізгі жұмыстар түнгі кезеңге жоспарланған. Өйткені сол кезде жол қозғалысы бәсеңдеп, жол жиегіне тұрақтаған көлік саны біршама азаяды.
Тротуарларды, көпшілік орындарды, аялдамалары тазалауға ерекше көңіл бөлінуде. 185 бірлік шағын көлемді арнайы техниканының көмегімен тротуарда механикаландырылған жинау жүргізілуде.
Сонымен қатар, техниканың өтуі мүмкін емес тротуарларда (баспалдақтар, пандустар және т.б.), сондай-ақ қоғамдық аялдамаларды 425 жұмысшы қар мен мұздан қолмен тазалап жатыр. Барлығы 344 бірлік арнайы техника мен 840 жол жұмысшысы жұмылдырылды.
Аудан әкімдіктерінде қар жинау жұмыстарының жүргізілуін бақылау бойынша тәуліктік кезекшілік ұйымдастырылды.
Ауа температурасы бүгін 0 градустан -2 градус, түнде -4...-6. Ертең 18 желтоқсан 0...-2 болады деп күтілуде. Ал 20 желтоқсанға дейін жауын-шашын болмайды..
Қалалық шаруашылық жұмысындағы проблемалар туралы тәулік бойы Open Алматы 1308 телефоны арқылы хабарлауға немесе +7 706 689 8898 What's App нөміріне шағым жазуға болады.