2025 жылғы санақ бойынша Алматыдағы халық саны 2 292 055 адам. Екі миллионнан астам адам тұратын мегаполисте 100-ден астам ұлт өкілі тұрады, деп хабарлайды Aqshamnews.kz тілшісі.
Алматы халқының этникалық құрамы бойынша 9 ұлт өкілінің саны өзгелерінен көбірек. Статистиканы сөйлетсек, қаладағы қазақтардың үлесі - 1 471 393 адам, орыстар - 429 898 адам, ал ұйғырлар - 122 390 адам. Келесі саны көп ұлттар кәрістер - 39 211 адам, татарлар - 31 435 адам, әзірбайжандар - 22 002 адам, украиндар - 21 184 адам, дүнгендер - 18 156 адам, өзбектер - 14 684 адам.
Бұдан бөлек Алматыда неміс (12 775), қырғыз (9 308), түрік (9 089), күрд (5 412), тәжік (5 403), шешен (3 810), белорусь (3 505), ингуш (3 492), армян (2 642), қарақалпақ (2 424), грек (2 308), еврей (2 010), поляк (1 640), башқұрт (1 069), грузин (1 060) секілді ұлт өкілдері тұрады.
Ал қалған ұлт өкілдерінің саны мың адамнан төмен.