Қалдықтарды басқару жүйесі жұмысының тиімділігін арттыру шеңберінде Алматы әкімдігі қоқысты жинап, қайта өңдеп әрі кәдеге жарату үшін тұрақты инфрақұрылым дайындау бойынша іс-шаралар жүргізуде. Бұл үшін қажетті шешімдер қабылданды.
«Алматы қаласының әкімдігі қалдықтарды басқару тиімділігін арттыру бойынша үлкен жұмыс жүргізіп жатқанын көріп отырмыз. Сәуір айында қоқыс шығару тарифі көтерілді. Бұл қоқыс шығаратын жеке компанияларға жаңа машиналар сатып алуға және қызметкерлерінің жалақысын көтеруге мүмкіндік берді. Сондай-ақ әкімдік Экологиялық кодексте көрсетілген инфрақұрылымды жақсартумен айналысады. Ескі, тозған контейнерлер жаңасына ауыстырылады. Әкімдік өткізетін барлық іс-шаралар қаланың эстетикалық келбетіне және оның санитарлық жағдайын жақсартуға ықпал етеді деп үміттенеміз», — деді қазақстандық «KazWaste» қалдықтарды басқару қауымдастығының атқарушы директоры Вера Мұстафина.