Сонымен қатар, 22 көлік құралы арнайы тұраққа қойылды, деп хабарлайды aqshamnews.kz тілшісі.
Жол қозғалысы қауіпсіздігін қамтамасыз ету шеңберінде өткен тәулікте Алматы қаласының аумағында жол қозғалысы ережелерін бұзудың 2 299 фактісі анықталды, оның ішінде жол қозғалысына қатысушылардың өмірі мен денсаулығына жоғары қауіп төндіретін 199 өрескел құқық бұзушылық анықталды.
Алматы қаласының прокуратурасының мәліметінше, анықталған құқық бұзушылықтардың ішінде:
көлік құралын мас күйінде басқару – 7 факті;
көлік құралын басқару құқығынан айырылған адамның көлік құралын басқаруы – 2 факті;
маневр жасау қағидаларын бұзу, оның ішінде қауіпті маневр жасау («шашки») – 79 факті;
қауіпсіздік белдігін тақпау – 62 факті;
қарсы бағыттағы қозғалыс жолағына шығу – 11 факті;
көлік құралын басқару кезінде мобильді телефонды пайдалану – 37 факті.
Сонымен қатар, 22 көлік құралы арнайы тұраққа қойылды.