Бұл маңызды сәттен шет қалғым келмеген, деп хабарлайды aqshamnews.kz тілшісі.
Алматыда дзюдодан әлем чемпионатының екі дүркін жүлдегері, XXXIII жазғы Олимпиада ойындарының қола жүлдегері Ғұсман Қырғызбаев Құрылтай сайлауында таңдау жасады.
Қазақстан Республикасының еңбек сіңірген спорт шебері Алатау ауданындағы №181 жалпы білім беретін мектепте орналасқан сайлау учаскесіне келіп, дауыс берді.
«Бұл маңызды сәттен шет қалғым келмеді. Сондықтан бүгін сайлау учаскесіне келіп, дауыс беріп, азаматтық ұстанымымды білдірдім. Баршаңызға сәттілік тілеймін. Елімізде әрдайым бейбітшілік орнап, Қазақстанымыз өркендей берсін», — деді Ғұсман Қырғызбаев.