Талайды сан соқтырған іс онлайн форматта өтіп жатыр.
Қаржы пирамидасы бойынша күдіктілер саны – 12 адам. Олардың ішінде танымал блогер Мейіржан Төребаев пен Мейірхан Шерниязов бар. Тағы бір блогер Әзімжан Саидбаевқа іздеу жарияланған. Сот отырысында зардап шеккендер кезегімен сұралып жатыр, деп хабарлайды Almaty-akshamy.kz.
Жәбірленушілердің қаржы пирамидасына салған қаражаты 1 млн теңгеден бастап 10 млн-нан асады. Мысалы, Эльдияр Исмаилов есімді зардап шегуші Astexs.kz компаниясына 85 млн теңге салған. Оның 39 млн-нын ғана қайтарып алыпты. Тағы бір зардап шегуші Нұрлан Айдарбекұлы 163 млн теңге беріп, бір тиынын да қайтара алмаған. Ұйымдасқан қылмыс бойынша басты күдіктілер салымшыларға айына 20%, жылына 240% табыс уәде еткен. Осы қаржы пирамидаларына алданғандардың саны 200 адамнан асады.