Алматыда Керей-Жәнібек хандары көшесіндегі жөндеу жұмыстарына байланысты көлік қозғалысына уақытша шектеу енгізілді, деп хабарлайды aqshamnews.kz
16 тамыз сағат 23:00-ден 17 тамыз 07:00-ге дейін «Ақбұлақ» бұлағынан 500 метр ұзындықтағы «Медеу» БТСК бағытындағы учаскеде қозғалыс жабылады.
Жөнделіп жатқан учаскеде ескерту белгілері, мердігер ұйымының басшысының байланыс ақпараттары көрсетілген стендтер қойылады.
Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram арнасында, аудандық әкімдіктер мен басқармалардың әлеуметтік желілерінде, сондай-ақ 2GIS және «Яндекс карталары» сервистерінде жазылған.
