Алматыда KIA маркалы көлікті мас күйде басқарған Өзбекстан азаматы ұсталды.
Оқиға түнгі сағат 00:45 шамасында Айнабұлақ тұрғын ауданында болған, деп хабарлайды aqshamnews.kz.
Полиция мәліметінше, жүргізуші орташа дәрежедегі мас күйде болып, көлік басқаруға құқығы жоқ екені анықталды. Сонымен қатар, ол 2023 жылы дәл осындай құқық бұзушылық үшін бұрын жүргізуші куәлігінен айрылғаны белгілі болды.
Полицияның айтуынша, бұл әрекеттер қылмыстық құқық бұзушылық ретінде қарастырылады. Жүргізуші уақытша ұстау изоляторына қамалып, іс бойынша алдын ала тергеу басталды. Сот оның қамауға алынуын санкциялады.
Қолданыстағы заң бойынша, мұндай құқық бұзушылық үшін айыпталушыға 5 жылға дейін бас бостандығынан айыру жазасы көзделген.