Алматыда "Тұрғын үй қатынастары туралы" Қазақстан Республикасының Заңындағы өзгерістер және тұрғын үй коммуналдық шаруашылығы саласындағы цифрлық платформаларды пайдалану қағидаттары бойынша түсіндіру жұмыстары тұрақты жүргізіліп келеді.
Қала әкімдігі "Коммуналдық инфрақұрылым және тұрғын үй инспекциясы" басқармасы Мүлік иелері бірлестіктерінің (МИБ), Пәтер иелері кооперативтерінің (ПИК) және жергілікті өзін-өзі басқару органдарының өкілдерімен жиі кездеседіі. ПИК қауымдастығы, Қоғамдық кеңес және БАҚ өкілдері қатысатын аудан әкімдігінде бірнеше жиналыс ұйымдастырылды.
Бұл жұмыстың басты мақсаты – тұрғын үй қорын басқару саласындағы ашықтықты, жауапкершілікті және кәсібилікті арттыру. Жаңа алгоритмдер МИБ-ті құру және тіркеу тәртібін, Тікелей бірлескен басқарудың (ТББ) ерекшеліктерін, сондай-ақ басқарушы компаниялар мен пәтер иелері кооперативтерінің қызметіне қойылатын талаптарды анықтайды.
Тұрғын үй инспекциясына есепшот ашу, инженерлік желілердің, жедел сатылардың және өртке қарсы жүйелердің жай-күйін бақылау, сондай-ақ басқару субъектілерінің тізілімдерін жүргізу бойынша кең өкілеттіктер беріледі. Олар туралы ақпарат жергілікті атқарушы органдардың интернет-ресурстарында жарияланып отырады.
Тұрақты жүргізіліп келе жатқан түсіндіру жұмыстары түскен қаржының ашықтығын көрсетуге, МИБ төрағалары мен басқарушы компаниялардың меншік иелері алдындағы жауапкершілігін нығайтуға, сондай-ақ тұрғын үйлерге қызмет көрсету сапасын жақсартуға бағытталған.
