Порталда бизнеске арналған қызметтер тізбегі кеңейтілетін болады.
"Алматы қаласын 2025 жылға дейін және орта мерзімді перспективаларды 2030 жылға дейін дамыту" Бағдарламасын іске асыру шеңберінде, мегаполисте кәсіпкерліктің Цифрлық картасы қалыптастырылатын болады. Жаңашылдық шағын және орта бизнестің жағдайын бағалау үшін almatybusiness.gov.kz веб-порталы базасына енгізіледі, деп хабарлады Almaty-akshamy.kz.
Карта кәсіпкерліктің даму трендін қадағалауға және сыртқы ортаның өзгермелі жағдайларына тез бейімделуге мүмкіндік береді, ол тұрақты түрде жаңартылып отырады. Цифрлық өнім кәсіпкерлік ортаның ағымдағы жағдайы мен қажеттіліктерін ескере отырып, қаланың кеңістіктік дамуының кешенді көзқарасына мүмкіндік береді. Осылайша, онлайн-қызметке қол жетімділікті арттыру мақсатында, порталда бизнеске арналған қызметтер тізбегі кеңейтілетін болады, мысалы, белгілі бір қызмет түрі үшін қолайлы орынды таңдау функциясы енгізіледі.
Сонымен бірге, 2025 жылғы мерзімге дейін жыл сайын өзектендіріле отырып, Алматы қаласының Инвестициялық картасын бекіту жоспарланып отыр. «Qoldaý» кәсіпкерлік орталығының негізінде «Almaty Invest» инвестицияларын тарту бойынша қалалық фронт-офис құрылатын болады, онда инвесторлармен өзара іс-қимыл жасау инвестициялық жобалардың бүкіл өмірлік айналымы бойына "бір терезе" (First stop shop) қағидаты бойынша жүргізілетін болады. Жаңа инвесторларды тартумен қатар, фронт-офистің жұмысы әрекет етіп жүрген инвесторларды жаңа жобаларға қайта инвестиция салуға ынталандыруға бағытталатын болады.
Сондай-ақ, инвестицияларды тартуға халықаралық ұйымдар мен Трансұлттық компаниясының өңірлік өкілдіктерін орналастыру ықпал ететін болады. Бүгінде, Алматыда 80-нен астам өңірлік өкілдіктер бар. 2030 жылға дейін Трансұлттық компаниясының тағы да кемінде 50 өкілдігін ашуды қамтамасыз ету жоспарланып отыр. Жоғарыда аталған шараларды іске асыру оның көлеңкеден шығуына және ұсынылатын қызметтердің сапасын жақсартуға, қала экономикасын тұрақты дамытуға бағытталған сапалы инвестициялар тартуға көмек көрсете отырып, бизнестің тұрақтылығын арттырады.