Алматыдағы өзекті мәселелердің бірі қалдықтарды басқару, оның ішінде экологиялық мәдениетті қалыптастыру тақырыбы болып табылады.
Басты мақсат - қалдықтармен күресу ғана емес, оларды жою үшін алғы шарттар жасау әрі жас кезден бастап экологиялық мәдениетті қалыптастыру, деп хабарлайды Almaty-akshamy.kz.
2022 жылы Алматы әкімдігі EN Social компаниясымен бірлесіп, «Жасыл мектеп» пилоттық жобасын іске қосты. Жоба мектептер ішінде эко-рейнджерлер тобын құруға бағытталған, олар сарапшылардың техникалық және әдіснамалық қолдауымен мектептерде қалдықтарды бөлек жинауды жүзеге асырды, бастауыш сыныптар үшін тренингтер өткізді, мектептерде заттар мен кітаптар алмасу бойынша экофестивальдар ұйымдастырды, құстарға жем салғыштар жасады және өздерінің экобелсенділіктерін ілгерілету үшін мектептің телеграм мен ютуб арналарын құрды. Жобаға барлығы 11 мектеп қатысты: №25 гимназия, №46 гимназия, HighTech мектебі, № 125 мектеп, РФММ, №172 гимназия, №185 мектеп, №200 гимназия, “Престиж” мектебі, №76 мектеп, №143 мектеп-лицей.
Акция қорытындысы бойынша, қалалық мектептер қайта өңдеуге 1,5 тонна қалдық тапсырды. Маусым айының басында оқу жылы аяқталғаннан кейін барлық пайдаланылған мектеп және жұмыс дәптерлерін, контурлық карталарды, күнделіктерді және т.б. жинап, оларды қайта өңдеуге беру жоспарлануда.
Бұл жоба мектептер өздерінің микроучаскелерінде экохабқа айналуы, білімдерін отбасыларына жеткізуі, сондай-ақ болашақта қайта өңдеуге жіберілетін қалдықтарды қабылдауы мүмкін екенін тағы да көрсетті. Алматы мектептері осы жобамен 100% қамтылған жағдайда, қалада қалдықтарды қайта өңдеуге тапсыру мәселесі шешіледі, ал балалар арқылы тұрғындар арасында экомәдениеттің негізгі қағидаттарын енгізуге болады.
Жоба қорытындысы бойынша қатысушыларды марапаттау рәсімі жоспарланған. Өтетін орны: Алматы қ., Достық даңғылы, 104, Green point (Арман кинотеатры). Өткізу күні – 2023 жылғы 29 мамыр, 12:00-14:00.
Марапаттау рәсімін өткізгеннен кейін балалар Алматы қоқыс сұрыптау зауытына экскурсияға барып, қаладағы қалдықтарды басқарудың барлық процесін көре алады.