2025 жылғы 16 қыркүйекте Алматы қаласының аумақтық сайлау комиссиялары жас және болашақ сайлаушыларға арнап электоралдық квестер, іскерлік және зияткерлік ойындар, дебаттар ұйымдастырды.
Аталған шаралар Қазақстан Республикасы Конституциясының 30 жылдығына орай өткізіліп, түрлі интерактивті және ойын форматында өтті. Жас буын өкілдері сайлау заңнамасы бойынша білімдерін сынап, пікір алмасты, сондай-ақ «Дауыс беру күні» атты іскерлік ойыны барысында өздерін сайлау комиссиясының мүшелері ретінде сынап көрді. Жалпы саны 8 аудандық деңгейдегі іс-шараға 660-тан астам жас және болашақ сайлаушылар қатысты. Іс-шаралардың негізгі мақсаты – жастардың құқықтық мәдениеті мен азаматтық белсенділігін дамыту. Алматы қаласы демократиялық құндылықтарды нығайтып, жастарды саналы азаматтық қоғам құру үдерісіне белсенді түрде тартып келеді.
