300-ден аса жас мұрағатшылары қатысады.
Алматыда жас архившілердің V халықаралық жазғы мектебі басталды. Іс-шара Қазақстан Республикасы Президенті архивінің базасы негізінде өткізіліп жатыр, деп хабарлайды Almaty-akshamy.kz Almaty.tv сілтеме жасап.
Оған Әзірбайжан, Ресей мен Армения және көршілес мемлекеттердің 300-ден аса жас мұрағатшылары қатысады. Бағдарламаға сәйкес, шеберлік сабақтары 17 маусымға дейін жалғасады.
«Шараның мақсаты – архив саласындағы жас мамандардың біліктілігін арттыру. Оларды жаңа заманауи технологиялар мен архив саласындағы жаңа әдістермен таныстыру және халықаралық қатынастарды дамыту болып табылады», – деді ҚР Президенті архиві оқу-әдістемелік орталығының басшысы Мұхаммед Жылгелдинов.