Алматыда жаяу жүргіншілер өткелінен өтіп бара жатқан жасөспірім қызды көлік қағып кетті, деп хабарлайды Aqshamnews.kz тілшісі.
Жол-көлік оқиғасы 24 желтоқсан күні кешкі уақытта Абай даңғылында болған. Полицияның алдын ала мәліметінше, Chevrolet маркалы автокөліктің жүргізушісі Алтынсарин көшесі бойымен қозғалып келе жатып, 2008 жылы туған қыз баланы соққан.
Оқиға кезінде жасөспірім жаяу жүргіншілер өткелінен өтіп бара жатқан. Алған жарақаттарына байланысты бойжеткен шұғыл түрде ауруханаға жеткізілді.