Алматы қаласының туризм басқармасы туристік гидтер қауымдастығының Дүниежүзілік федерациясымен бірлесіп, гидтердің, экскурсоводтардың және туризм нұсқаушыларының біліктілігін арттыру курстарын ұйымдастырды. Курстар осы жылдың 12 шілдесінен 12 тамызына дейін Алматы қаласында өтеді.
Дүниежүзілік туристік гидтер қауымдастығының Федерациясы (WFTGA) – 80-нен астам елдің гидтер одағын қамтитын кәсіби ұйым. Бұл ұйым гидтердің біліктілік бағдарламасын әзірледі, оның мақсаты экскурсия жүргізу техникасы бойынша стандарттарды бекіту және бүкіл әлем бойынша экскурсоводтардың кәсібилігін арттыру болып табылады.
Алматы - Орталық Азияның жүрегі, ол өзінің инновацияларымен, мәдени әртүрлілігімен, бірегей табиғатымен және экономикалық өсуімен әлемді таң қалдыруды жалғастыруда. Осыған байланысты туристерге сапалы қызмет көрсетуді қамтамасыз ету үшін гидтер мен нұсқаушы гидтердің біліктілік деңгейін тұрақты негізде арттыру қажет, деп атап өтті туризм басқармасы.
Курс аясында өз міндеттерін тиімді орындау мақсатында шетелдік туристермен жұмыс істеудің негізгі білімдері мен дағдыларына гидтерді теориялық және практикалық оқыту көзделеді.
Жалпы, курс барысында 200 гид, экскурсоводтар мен туризм нұсқаушылары оқитын болады. Оның ішінде 36 адам WFTGA біліктілікті арттыру курстарынан өтеді, 164 - негізгі дайындық курсы, оның 38-і қытай тілінде.
Кәсіби мамандардан білім алғаннан кейін курсқа қатысушылар ҚР халықаралық және ұлттық стандарттар негізінде туристерге қызмет көрсету сервисінің біліктілігі мен деңгейін арттыра алады. Сондай-ақ туристік маршруттар мен экскурсияларды әзірлеу және іске асыру, курсты аяқтағаннан кейін алағн білімдерін қаншалықты игергені бақыланады.