Алматы қаласында есірткі, психотроптық заттар мен прекурсорлардың айналымына қарсы заңсыз бизнес бойынша Ортаазиялық аумақтық ақпараттық координациялық орталығының Ұлттық Кеңес координаторларының мемлекеттік қатысушыларымен кеңейтілген отырыс өткізілді, деп хабарлайды Almaty-akshamy.kz
Аталған отырысқа Ортаазияда іс сапармен жүрген БҰҰ-ның Бас хатшысының орынбасары, БҰҰ Есірткі және қылмыстар бойынша басқармасының атқарушы директоры Гада Вали қатысты.
Сонымен қатар, гибридті форматта өткен отырысқа еліміздегі АҚШ, Жапония елшіліктерінің өкілдері де шақырылды. Кездесудегі күн тәртібінде орталықтың құқықтық келісімін нығайту үшін ОАААКО-на жаңа бақылаушылар ды қабылдау мәселелері талқыланады.
«Біріншіден, мұндағы басты мақсат – тараптардың ақпарат қауіпсіздігімен алмасуы бойынша келісім жобасын қарастыру. Екіншіден, ОАААКО-ның құқықтық-келісімін жетілдіру. Үшіншіден, Ауғанстандағы жағдай бойынша тәуекелділік мәселелерін бағамдап, оның аталған орталыққа тигізетін зиянын анықтау болып табылады», – деп мәлімдеді Қазақстан республикасы ІІМ-нің орынбасары Арыстанғали Заппаров.
ҰКК отырысының қорытындысы бойынша ОАААКО-ның басқада халықаралық ұйымдар мен басым бағыттар бойынша ықпалдастықты арттыру үшін бірлескен шешімдер қабылданды.
«2010 жылдан бастап ОАААКО-на қатысушы мемлекеттердің қолдауымен алдағы атқарылар жұмыстардың нәтижелі болуы үшін ақпараттық корғау мен алмасу бойынша жоспар мақұлданды. Сондай-ақ, бұл оны қаржыландырудың бір шарты. Сонымен қатар, Швеция корольдігіне бақылаушы мәртебесін беру шешімі қабылданып, орталық кеңістігі тағы да ұлғайды. Құқықтық келісім базасын жетілдіру, қаржыландыру мәселелерін шешу үшін бірлескен бірнеше іс-шаралар қарастырылды», – деп атап өтті министрдің орынбасары Арыстанғали Заппаров.
Ал БҰҰ Бас хатшысының орынбасары Гала Вали ханымның жұмыс жоспарында 24 қараша күні Ташкент қаласында БҰҰ-ның 2022-2025 жылдар аралығындағы Орталық Азия бойынша кейбір мәселелерге қатысты бағдарламалар іске асыру бойынша келісімге қол қою енгізілген.