Олар саяси науқаннан шет қалмай, таңдау жасады, деп хабарлайды aqshamnews.kz тілшісі.
Алматыда дауыс беруге топ болып, ұйымдаса келген азаматтар көп. Олардың бірі – «Тең қоғам» мүгедектігі адамдарды әлеуметтік қолдау орталығының қызмет алушы азаматтары. Олар саяси науқаннан шет қалмай, таңдау жасады.
«Бүгін біз «Тең қоғам» орталығының қызмет алушыларымен бірге Құрылтай сайлауында дауыс беруге келдік. Бұл еліміздің болашағы мен дамуына бей-жай қарамайтынымыздың белгісі», - деді Әуезов ауданы «Тең қоғам» мүгедектігі адамдарды әлеуметтік қолдау орталығының жетекшісі Жанар Аманжолова.
Айта кетейік, №116 мектепте орналасқан №149 сайлау учаскесінде келушілерге арналған жәрмеңке мен сауда алаңдары ұйымдастырылған. Сондай-ақ, дауыс беруге келген азаматтар үшін арнайы фотоаймақ та құрылған. Бұған қоса. сайлау учаскелерінің жанындағы алаңда футболдан турнир өтіп жатыр.