Оқушылар сарайында «Еңбек адамы 2025» жобасы аясында түрлі салалардың үздік өкілдерін марапаттау рәсімі өтті, - деп хабарлайды Aqshamnews.kz.
Ұйымдастырушылардың айтуынша, аталған жобаның мақсаты — адал еңбегімен ел дамуына үлес қосып жүрген еңбек адамын жастар арасында насихаттау, сондай-ақ қоғамда өнегелі тұлға бейнесін қалыптастыру. Іс-шараға қоғам қайраткерлері, мәслихат депутаттары, Қоғамдық кеңес мүшелері, сарапшылар, азаматтық қоғам белсенділері және жастар өкілдері қатысты.
"Мемлекет басшысы 2025 жылды Жұмысшы мамандықтар жылы деп жариялады. Оның мәні - қарапайым жұмысшылардың еңбегін бағалап, қоғамда дәріптеу. Бүгін марапатталып отырған адамдар өз жұмысын адал, сапалы атқарып жүр. Солардың арқасында еліміз өсіп, өркендеп келеді. Осындай азаматтарымызды тиісті бағалауымыз керек. Оларға қарап жастарымызда үлгі алады. Алматы әкімдігінің артынан жасап жүрген еңбектеріңіз үшін алғыс білдіремін", - деді Ішкі саясат басқармасының басшысы Айдар Есенбеков.
Жалпы «Еңбек адамы 2025» жобасы аясында 20 маман марапатталып, қаржылай сыйлық табысталды. Олар:
- Ержан Дүкенов - әуе кемелерінің қозғалысын бақылайтын диспетчер;
- Айдарбек Даулетбаев - автобус жүргізушісі;
- Армен Атанаесьян - сәулетші;
- Гүлнұр Сейсекина - 102 операторы;
- Жайлыгүл Досымбекова - Каменка орманшылығының инспекторы;
- Раиса Кикбаева - жол жұмысшысы;
- Мейіржан Жұманбаев - тепловоз машинисі;
- Айбек Еселбаев - автозавод бригадирі;
- Қуат Жармұхамбетов - электропоезд машинисі;
- Сафия Аязбаева - музейдің ғылыми қызметкері;
- Алма Мылтықбаева - мұғалім;
- Қайрат Нұржаубаев - өрт сөндіруші;
- Жарылқасын Абдимамбетов - слесарь-жөндеуші;
- Еркін Исабеков - электродәнекерлеуші;
- Еркеш Жүнісов - актирса;
- Жанар Садибеков - инженер-технолог;
- Оксана Машорина - фельдшер;
- Әлібек Жанысбаев - нейрохирург;
- Галия Тулегенова - эколог;
- Сергей Сахаров - электротехникалық қызметші.