Қазақ мемлекеттік циркі алаңында «ЭКСТРИМ» цирктік шоуының гастрольдері өтіп жатыр, – деп хабарлайды aqshamnews.kz тілшісі.
Бұл туралы Алматы қаласы Мәдениет басқармасының өкілдері хабарлады.
Қойылымдар 1 маусымға дейін жалғасады.
Бағдарламаға әлемнің әр түкпірінен келген артистер қатысып, экстремалды трюктер, акробатикалық қойылымдар және заманауи цирк өнерінің үздік элементтері ұсынылады.
Көрермендерді металл шар ішінде өнер көрсететін мото-каскадерлердің әсерлі шоуы, цирк күмбезі астындағы мото-секірулер, әуе гимнастарының шеберлігі, сондай-ақ үйретілген жануарлар қатысатын нөмірлер күтеді. Бұдан бөлек, сайқымазақтардың көңілді қойылымдары мен «Батылдық дөңгелегі» аттракционы да бар.
Айта кетейік, бұл гастрольдер қаланың мәдени өмірін жандандырып қана қоймай, Алматы тұрғындары мен қонақтарының уақытын мәнді әрі қызықты өткізуіне жаңа мүмкіндіктер ұсынады.