Алматының Алатау ауданында кеше кешкісін жол қозғалысы ережесі мен қоғамдық тәртіпті өрескел бұзу оқиғасы тіркелді, деп хабарлайды aqshamnews.kz Polisia.kz-ке сілтеме жасап.
Жергілікті полиция қызметкерлері құқық бұзушыны құрықтап, ұсақ бұзақылық, апаттық жағдай туғызғаны және, сақтандыру полисінің жоқтығы үшін жауапкершілікке тартты.
Алматы қаласының мамандандырылған ауданаралық әкімшілік сотының қаулысымен 20 жастағы құқық бұзушы 5 тәулікке әкімшілік қамауға алынды. Көлік құралы айыппұл тұрағына қойылды.