Алматыда әр сенбі және жексенбі күндері сағат 9:00-ден 18:00-ге дейін демалыс күндерінің жәрмеңкелері өтеді.
Бұл – Алматы мен Алматы облысының тауар өндірушілері мен фермерлері қала тұрғындарына 700-800 тоннаға дейін әлеуметтік маңызы бар азық-түлік пен ауыл шаруашылығы өнімдерін ұсынатын уақытша сауда алаңдары. Дайын өнімдердің бағасы Алматы қаласының орташа нарықтық бағасынан 10-15% төмен.
Апта сайын жәрмеңкелерге 300-ге жуық сатушы қатысады, ал келушілер саны 28 мыңнан асады. Мұнда жаңа сойылған ет, көкөністер, жемістер, сүт өнімдері және басқа да тауарларды сатып алуға болады.
Жәрмеңке өтетін мекенжайлар:
• Алмалы ауданы: Масанчи көшесі, Әйтеке би мен Гоголь көшелерінің аралығы
• Әуезов ауданы: Өтеген батыр көшесі, Абай даңғылынан төмен
• Бостандық ауданы: Қазақфильм шағын ауданы, Әл-Фараби даңғылынан жоғары
• Медеу ауданы: Мендіқұлов бульвары – Бектұров көшесі
Жақында жәрмеңкелер жаңғыртудан өтті. Жәрмеңкенің ұйымдастырушысы – «Алматы» ӘКК» АҚ Алмалы, Әуезов, Бостандық және Медеу аудандарында инфрақұрылымды жаңартып, жаңа сауда орындарын орнатты, санитарлық жағдайды жақсартты және келушілер үшін ыңғайлы бағыттарды ұйымдастырды. Бұл жәрмеңкелерді қала тұрғындары мен кәсіпкерлердің мүдделерін тоғыстыратын заманауи қоғамдық кеңістікке айналдыруға мүмкіндік берді.
