Бүгін Алматыда «Дауыс» қоғамдық бақылаушылар коалициясы өткізген республикалық референдумды бақылау нәтижелері жарияланатын брифинг өтеді, – деп хабарлайды aqshamnews.kz тілшісі.
Біздің «Дауыс» коалициясы дауыс беру барысын тәуелсіз қоғамдық бақылау мен мониторинг жүргізген алты қоғамдық ұйымды біріктіреді. Брифинг барысында коалиция өкілдері жиналған бақылау деректерін таныстырып, дауыс беру үдерісінің ұйымдастырылуына қатысты баға береді, сондай-ақ мониторинг қорытындысы бойынша негізгі тұжырымдар мен ұсыныстарын жариялайды.
«Дауыс» коалициясының құрамына келесі ұйымдар кіреді:
* «Ер Азамат» қоғамдық бірлестігі
* «Адам және қоғам» ҮЕҰ қоғамдық бірлестігі
* «Ауғанстандағы ардагерлер үйлестіру кеңесі» қоғамдық бірлестігі
* Almaty Azamattyq Alliance
* «Social Project Management орталығы» қоғамдық қоры
* Ақпараттық-ресурстық орталық
Ұйымдастырушылар қоғамдық бақылаушылардың қызметі сайлау үдерісінің ашықтығын арттыруға, азаматтық қатысуды дамытуға және демократиялық институттарға қоғамдық сенімді нығайтуға бағытталғанын атап өтті.
Брифинг барысында қаладағы сайлау учаскелерінде мониторинг жүргізген 2500-ден астам тәуелсіз бақылаушының жұмысы туралы ақпарат та ұсынылады.
Күні мен уақыты: 2026 жылы 16 наурыз, сағат 12:00
Өтетін орны: Алматы қаласы, Халиуллин көшесі, 66 / Чаплин көшесі, 71