24 шілдеде сағат 10:00-де Алматыда дабыл сиренасы іске қосылды. Аqshamnews.kz тілшісі дабылдың себебін анықтады.
Алматылықтардың смартфондарына сейсмикалық жаттығуға байланысты хабарлама келді.
Еске салайық, 24 шілдеде сағат 10:00-де "Жер-2025" республикалық оқу-жаттығуы аясында қаланың дабыл қағу жүйесі тексерілетіні айтылды.
Алматы сейсмикалық қауіпті аймақта орналасқандықтан, әрбір тұрғын алдын ала қауіпсіз орынға баратын эвакуация жолын белгілеп алуға тиіс.
Қауіпсіз орын деп электр желілерінен, ағаштар мен ғимараттардан алыс орналасқан ашық алаңдар есептеледі.