Алматы қаласының әкімі Ерболат Досаевтың Бостандық ауданы тұрғындарымен кездесуінде балабақша жетіспеушілігі жайы айтылды, деп хабарлайды Almaty-akshamy.kz.
- Мен «Орбита» шағын ауданында тұрамын. Бізде балабақшалар жетіспейді. Ауданда бес жыл бұрын жабылған балалар үйінің ғимараты тұр. Мүмкіндік болса, сол жерден балабақша ашыңызшы, -деді тұрғын.
- Балалар үйінің ғимараты бойынша жұмыс жүріп жатыр. Біз онда 440 орындық балабақша саламыз. Жоба дайын. ЖСҚ аяқталғаннан кейін балабақша саламыз. Меніңше, бұл осы аудандағы балабақша мәселесін шешеді, -деп жауап берді Ерболат Досаев.