Сонымен қатар, 21 көлік құралы мамандандырылған тұраққа қойылды, деп хабарлайды aqshamnews.kz тілшісі.
Жол қозғалысы қауіпсіздігін қамтамасыз ету мақсатында өткен тәулікте Алматы қаласының аумағында 1 730 жол қозғалысы ережесін бұзу фактісі анықталды. Оның ішінде жол қозғалысына қатысушылардың өмірі мен денсаулығына жоғары қауіп төндіретін 257 өрескел бұзушылық тіркелді. Бұл туралы Алматы қаласының прокуратурасы мәлімдеді.
Анықталған құқық бұзушылықтардың ішінде:
* көлік құралын мас күйінде басқару – 8 факт;
* көлік құралын басқару құқығынан айырылған адамның көлік құралын басқаруы – 1 факт;
* жалған мемлекеттік тіркеу нөмірлік белгісімен (МТНБ) көлік құралын басқару – 6 факт;
* маневр жасау қағидаларын бұзу, оның ішінде қауіпті маневр жасау («шашка») – 86 факт;
* қауіпсіздік белдігін тақпау – 100 факт;
* қарсы қозғалыс жолағына шығу – 13 факт;
* көлік құралын басқару кезінде ұялы телефонды пайдалану – 43 факт.
Сонымен қатар, 21 көлік құралы мамандандырылған тұраққа қойылды.