Алматыда Бостандық ауданында жылу жүйелерін жөндеуге байланысты Бухар-жырау бульварындағы көлік қозғалысы уақытша жабылады, деп хабарлайды aqshamnews.kz «Алматы жылу желілері» ЖШС-не сілтеме жасап.
2024 жылғы 17 қыркүйекте сағат 22:00-ге дейін Бухар-жырау бульвары бойындағы Байтурсынов пен Марков көшелері аралығында көлік қозғалысы батыс бағытта жабылады. Бұл шектеулер жылу жүйелеріндегі гидравликалық сынақтар кезінде анықталған ақауларды жөндеу үшін енгізіліп отыр. Магистральды жылу желісін жөндеу жұмыстарына 4 арнайы техника және 20 адам жұмылдырылған. Тұтынушылар үшін жылу параметрлері өзгеріссіз қалады. Жолдың асфальт-бетон жабыны жөндеу аяқталғаннан кейін қалпына келтіріледі.
Гидравликалық сынақтар жылу жүйелерінің жабдықтарының жағдайын тексеру және ақауларды анықтау мақсатында, қаладағы алдағы жылыту маусымына дайындық аясында жүргізілуде.
Сынақтар кезінде қауіпсіздік шараларына қарамастан, төтенше жағдайлар болуы мүмкін. Мұндай жағдайда ешқандай дербес әрекеттер жасамаңыз, дереу оқиға орнынан шығып, «Алматы жылу желілері» ЖШС-на 378-06-48 (ішкі 1014), 378-06-62 (ішкі 1013) немесе 109 нөмірлері арқылы хабарласыңыз.
Айта кетейік, қозғалыс шектеулеріне қатысты барлық ақпарат Almaty.kz сайтында, Telegram-арнасында @AlmatyJoly, аудандық әкімдіктердің және басқармалардың әлеуметтік желілерінде, сондай-ақ «2GIS» және «Яндекс карталары» сервистерінде жарияланған.
Уақытша қолайсыздықтарға түсіністікпен қарап, көрсетілген учаскеден алдын ала айналып өтуді жоспарлауды сұраймыз.