Алматы полициясы «Қоғамдық көлік» іс-шарасының бірінші күнінің қорытындысын шығарды
Өткен тәулікте шаһар жолдарында қоғамдық көлік жүргізушілері жасаған 61 жол ережесін бұзу дерегі анықталды, деп хабарлайды Аlmaty-akshamy.kz Алматы қалалық полиция департаментінің баспасөз қызметіне сілтеме жасап.
Атап айтқанда:
- ҚР ӘҚбК-нің 591 бабы (көлікті басқару кезінде телефонды пайдалану) – 28
- ҚР ӘҚбК-нің 595 бабы (маневр жасау ережесін бұзу) – 24
- ҚР ӘҚбК-нің 334 бабы (шығарындылардағы ластаушы заттардың мөлшері бойынша нормативтерден асуы) – 3
- ҚР ӘҚбК-нің 590 бабы 7 бөлігі (тиісті рұқсатсыз қайта жабдықтау) - 2
- ҚР ӘҚбК-нің 571 бабы 2 және 3 бөлігі (Жолаушыларды, және жүктерді тасымалдау ережелерін бұзу) - 1.
- ҚР ӘҚбК-нің 572 бабы 2 бөлігі (еңбек және демалыс режимін бұзу) - 1
- ҚР ӘҚбК-нің 590 бабы 9-бөлігі (мемлекеттік немесе міндетті техникалық байқаудан өтпеген) - 1
- ҚР ӘҚбК-нің 596 бабы 3 бөлігі (қарсы жолаққа шығу) - 1
Төрт қоғамдық көлік мамандандырылған айыппұл тұрағына орналастырылды,
Сонымен қатар, автокәсіпорын басшыларынан 1 лауазымды тұлға әкімшілік жауапкершілікке тартылды.
