Танымал ресейлік Би-2 тобы тамыз айының соңында Қазақстанда өтетін рок-фестивальде өнер көрсетуі тиіс болатын. Алайда күтпеген жерден музыканттар концерттің тоқтатылатынын мәлімдеді, деп хабарлайды almaty-akshamy.kz
«Біз тамыз айының соңында Қазақстанда өтетін FAMILY ROCK FEST-те өнер көрсете алмайтынымызды өкінішпен хабарлаймыз. Ұйымдастырушыларға барлық күш-жігерлері үшін алғыс айтамыз», - деп жазды топтың мүшелері әлеуметтік желідегі ресми аккаунтында.
Музыканттар алдағы уақытта «мұндай мүмкіндік туа салысымен» қазақстандық фестивальде өнер көрсетуге қуанышты болатындарын айтты.
Концерттің тоқтатылуының нақты себептері әзірге хабарланған жоқ. Бұл жаңалық көптеген жанкүйерлердің көңілін қалдырғанымен, Би-2 тобының болашақта Қазақстанда өнер көрсетуге ниетті екендігі жұбаныш болары анық.