Абырой болғанда, ешкім зардап шеккен жоқ.
Алматыда № 38 автобус өртенді, деп хабарлайды Almaty-akshamy.kz ҚазАқпарат сайтына сілтеме жасап.
Оның видеосы әлеуметтік желіде тарады.
Алматы қалалық Төтенше жағдайлар департаментінің мәліметінше, өрт сөндіру қызметінің кезекші бөліміне таңертең сағат 8.27-де Саин-Шаляпин көшелерінің қиылысында автобус өртеніп жатқаны туралы хабар келіп түскен.
«Жедел түрде көбікпен өрт оқпандары енгізіліп, автобус конструкцияларын салқындату үшін бөлек өрт оқпандары берілді. Қабылданған шаралардың арқасында өрт сағат 08-47-де оқшауланып, 08-50-де толық сөндірілді. Құрбандар мен зардап шеккендер жоқ»,- деп хабарлады ведомстводан.
Автобус «Алматыэлектротранс» ЖШС-на тиесілі.