«Apple Fest» фестиваліне Алматы облысының фермерлері 150 тонна алма әкеледі
Алматы қаласы Кәсіпкерлік және инвестициялар басқармасы Тұңғыш Президент Паркінде 16-17 қыркүйекте өтетін «Apple Fest» фестиваліне 150 тонна алма жеткізуге Алматы облысы шаруашылық қожалықтарының қатысуын ұйымдастырып отыр.
Ағымдағы жылы Қала күнін мерекелеуге Талғар, Қарасай, Еңбекшіқазақ және Ұйғыр аудандарының шамамен 45 бау-бақша серіктестігі қатысатын болады. Фестивальде барлығы алманың 13 түрі, атап айтқанда, Лимонка, Американка, Золотой превосход, Апорт, Кандиль, Грушовка, Айнур, Салтанат, Мельба, Рашида, Пеструшка, Гала және Рахат секілді түрлері ұсынылады.
«Apple Fest» қалалық фестивалі дәстүрлі мереке болып табылады және ол «Қала күнін» мерекелеу шеңберінде 2015 жылдан бастап өтіп келеді.