Кезекті концерт көрермендерге ерекше әсер мен ұмытылмас сәттер сыйлады, деп хабарлайды aqshamnews.kz тілшісі.
Алматы қаласының әкімдігі ұйымдастырған ALMATY SUMMER FEST фестивалі өнер арқылы жұртшылықты біріктіріп, ұлттық құндылықтарды дәріптейтін ауқымды мәдени алаңға айналып келеді.
ALMATY SUMMER FEST аясындағы кезекті концерт көрермендерге ерекше әсер мен ұмытылмас сәттер сыйлады. Бір сахнада әр буынның сүйікті өнерпаздары бас қосып, түрлі жанрдағы музыкалық шығармалар орындалды. Кештің ең әсерлі сәттерінің бірі – халқымыздың жүрегінен мәңгілік орын алған Ескендір Хасанғалиевтің «Атамекен» әнінің шырқалуы болды.
Әнді алдымен балалар хоры бастап, кейін оларға алаңға жиналған мыңдаған көрермен қосылды.
Концертте Роза Рымбаева, TURAR, ZIRUZA, Dosekesh, Ержан Максим, Dana Maksim, Don Baraban Show, Айым Асхатқызы, Есен Жүсіп, Мирас Ерболат, DARHAN, Amina Esimzhan, Дархан Қали, Қуанышқызы Назерке, KENZHE, Dako Kalenov, NazyGul, «Qazaq ART» вокалдық хоры, JARQYN, AruYes, Балауса Ерғалина, Дидар Каден, сондай-ақ Түрксіб ауданының өнерпаздары өнер көрсетті. Олар көрермендерге көтеріңкі көңіл күй мен жарқын әсер сыйлады.
Келесі сенбіде ALMATY SUMMER FEST фестивалінің биылғы маусымдағы қорытынды концерті өтеді. Жаз бойы қала тұрғындары мен қонақтарына мерекелік көңіл күй сыйлаған фестиваль маусымды тағы бір есте қаларлық концертпен түйіндейді.