Алматыда алимент төлемеген борышкерлердің көліктері айыптұраққа қойылып жатыр, – деп хабарлайды aqshamnews.kz тілшісі.
Алматыда Медеу ауданы прокуратурасының қадағалауындағы атқарушылық істер бойынша 500 млн теңгеден астам берешек бар.
Тексеру барысында 54 борышкердің жылжымалы және жылжымайтын мүлкі анықталды. Прокуратура мен полиция бірлесіп борышкерлердің автокөліктерін анықтап, ұстау және айыптұраққа қою жұмыстарын жүргізіп жатыр.
Қазір 85 авто-мото көлікті анықтау бойынша тапсырма берілген. Қабылданған шаралардың нәтижесінде 20 млн теңгеден астам алимент қарызы өндірілді.
Сонымен қатар, 5 борышкер әкімшілік жауапкершілікке тартылып, бір алимент төлемеушіге қатысты қылмыстық іс қозғалды.