Алматыда Конституция күні қарсаңында күрделі жөндеуден кейін бірден үш медициналық ұйым салтанатты ашылды, сондай - ақ Қазақстандағы алғашқы цифрлық медицина Орталығы - Almaty Digital Medical Center (ADMC) іске қосылды.
Іс-шараға Алматы қаласы Қоғамдық денсаулық сақтау басқармасы басшысының орынбасары м.а. Ләйлә Иманғалиева қатысты.
Цифрлық медицина орталығын Денсаулық сақтау басқармасы мен қаланың Цифрландыру басқармасы бірлесіп құрды. Мұнда заманауи қызметтер жинақталған: ақпараттық - талдау орталығы, 1312 бірыңғай байланыс орталығы, телемедициналық патронаж, телемедицина қызметтері және жасанды интеллектпен дауыстық көмекшілер. Бұл денсаулық сақтау жүйесін ашық және ыңғайлы етеді, күту уақытын қысқартады және пациенттердің дәрігерлермен байланысын жақсартады.
№3 қалалық емхана күрделі жөндеуден кейін толық жаңартылды. Инженерлік желілер ауыстырылды, кабинеттер, залдар мен күту аймақтары жөнделді, алаң абаттандырылды. Емханада 500 қызметкер жұмыс істейді, оның ішінде 104 дәрігер, оларлың 40 қажетті мамандар.
Мұнда Симуляциялық орталық ашылды, онда дәрігерлер мен медбикелер шұғыл көмек көрсету және реанимация дағдыларын тегін пысықтайды. Орталық заманауи тренажерлармен және манекендермен жабдықталған, ал қызметкерлер Малайзияда білімдерін жетілдірді.
2022 жылдан бастап емханада оқушылар арасында суицидтің алдын алу бойынша психологиялық орталық жұмыс істейді. Бұл елдегі жалғыз орталық. Ол ЮНИСЕФ-пен бірге құрылған және балалар мен жасөспірімдерге психикалық денсаулықты сақтау мәдениетін қалыптастыруға көмектеседі.
Сонымен қатар, "Damumed"жүйесімен байланысты дауыстық робот негізінде виртуалды ассистент енгізілді. Заманауи зертхана да жұмыс істейді.
№18 емхананың "Таугүл" филиалы 19 жылда алғаш рет жаңғыртудан өтті. Ғимарат оқшауланып, қасбеті, терезелері мен есіктері жаңартылып, жаңа желдету мен қазандық орнатылды. Аумақ абаттандырылды. Филиалда заманауи жабдықтары бар зертхана және екі ультрадыбыстық аппарат пайда болды.
№8 жедел жәрдем қосалқы стансасы Алатау, Әуезов және Наурызбай аудандарының 200 мыңға жуық тұрғынына қызмет көрсетеді. Мұнда 17 бригада және 200-ден астам қызметкер жұмыс істейді. Жөндеуден кейін ғимарат оқшауланып, терезелер мен есіктер ауыстырылды, жылу мен желдету жаңартылды, өрт дабылы күшейтілді. Автобокстар заманауи қақпалармен, желдетумен және энергияны үнемдейтін жарықтандырумен жабдықталған.
Цифрлық медицина орталығының және жаңартылған медициналық ұйымдардың ашылуы Алматының денсаулық сақтау саласын дамыту үшін маңызды қадам болды. Бұл жобалар медициналық көмектің сапасын жақсартады, оны қолжетімді етеді және жаңа технологияларды енгізуге мүмкіндіктер ашады.