Алматыда Ұлы Отан соғысы және еңбек ардагері Дарбала Жабатаева 80 жылдық Жеңіс мерекесін қарсы алып отыр. Бұл туралы Aqshamnews.kz сайты хабарлайды.
Дарбала Әміржанқызы Жабатаева 1926 жылы Қостанай облысында дүниеге келген. Соғыс басталғанда жасөспірім қыз тылда еңбек етіп, 1943 жылы өз еркімен майданға аттанған. Ол 161-атқыштар полкінің құрамында радист болып қызмет атқарып, Польшаның портты қалаларын азат етуге қатысқан. Жауынгерлік жолында контузия алғанына қарамастан, қайтадан майданға оралған. Жеңісті Балтық теңізінің оңтүстігіндегі Померанияда қарсы алып, 1946 жылы бейбіт өмірге оралды.
Соғыстан кейін туған жері Қостанайға қайтып, түрлі жауапты қызметтер атқарды. 1951 жылы Алматыға келіп, Жоғарғы партия мектебінде білім алды. Кейін Алматы қалалық кеңесінің бес шақырылымының депутаты болды.
Бүгінде ғасыр жасаған кейуана қызымен бірге тұрып, балаларының, немере-шөберелерінің қызығына бөленуде. 80 жылдық Жеңіс қарсаңында Алмалин ауданы әкімдігі мен Amanat партиясының өкілдері ардагерді арнайы құттықтап, құрмет көрсетіп, денсаулық пен ұзақ ғұмыр тіледі.
"Біздің ардагерлер – нағыз батырлар. Олар өз өмірлерін қауіпке тігіп, болашақ ұрпақ үшін күресті. Оларды құрметтеу – біздің парызымыз", – деді депутат Бақытбек Жұмабаев.