Алматының санитарлық жағдайын жақсарту: жаңа контейнер алаңдарын салу және ескі қоқыс жәшіктерін ауыстыру
Алматыда қаланың санитарлық жағдайын және эстетикалық келбетін жақсарту бойынша белсенді жұмыстар жалғасып келеді. Соның бірі қатты тұрмыстық қалдықтарды шығару жүйесін жаңғырту.
2024 жылы қала әкімі Ерболат Досаевтың тапсырмасымен 786 жерасты қоқыс контейнері орнатылды. Ал 2025 жылы 581 жаңа контейнер алаңының құрылысы басталып, тағы 1 683 жерасты контейнері орнатыла бастады. Мұндай құрылымдар кеңістікті үнемдеуге, жағымсыз иістерді жоюға және құстар мен бұралқы жануарлардың қоқысқа баруына тосқауыл қояды.
Бүгінде қалада 786 заманауи контейнер орнатылған, және бұл жұмыс жалғасады. Бұл шаралар барлық алматылық үшін таза, қолайлы және экологиялық қала кеңістігін қалыптастыруға бағытталған.
Жаңа контейнерлердің сапасына ерекше көңіл бөлініп отыр. Бұл мақсатта қала экологиялық таза алғашқы тағамдық полиэтиленнен өнім шығаратын отандық өндірушілерден контейнерлер сатып алуда. Заманауи өндіріс технологиялары біркелкі қалыңдықты, тігістердің және ішкі кернеулердің болмауын қамтамасыз етіп, контейнерлерді өте берік, сенімді және ұзақ мерзімді етеді.
Бұл жоба Алматыда өмір сүру сапасын арттыру және қаланы көркейту жөніндегі ауқымды қалалық бағдарламаның бір бөлігі.