Алматы қаласының орталығында полиция қызметкерлері үш тұрғын үй кешеніндегі 71 пәтерден интимдік қызмет көрсетілетін притондарды анықтады, деп хабарлайды Aqshamnews.kz тілшісі.
Полиция мәліметінше, "Манхэттен", "Ақбұлақ" және "Каусар" тұрғын үй кешендеріндегі пәтерлер интимдік қызмет көрсету үшін пайдаланылған. Кейбір пәтерлерде тіркеусіз және құжатсыз адамдар тұрған.
Тәртіп сақшылары пәтер иелерін әкімшілік жауапкершілікке тартқан. Сондай-ақ заңсыз әрекетке қатысы бар тұрғындарға да шара қолданылған.
Алмалы аудандық полиция басқармасының бастығы Мақсат Пшан:
"Полиция қызметкерлері құқықбұзушылықтың алдын алу бойынша күнделікті профилактикалық жұмыстар жүргізіп келеді. Тұрғындар да өз үйлеріндегі қауіпсіздік пен қоғамдық тәртіпке жауапкершілікпен қарауға тиіс. Заң бұзушылықты байқаса, бейжай қалмай, хабарлауын сұраймыз", - деді.
Полиция мұндай рейдтер тұрақты түрде жалғаса беретінін атап өтті.