Бұл туралы Өңірлік коммуникациялар қызметінің алаңында Алматы қаласы бойынша Еңбек және әлеуметтік қорғау комитеті департаменті басшысының орынбасары Римма Қасымова мәлімдеді, деп хабарлайды aqshamnews.kz
Департамент 15 мемлекеттік қызмет көрсетеді, оның ішінде зейнетақы және әлеуметтік төлемдердің 30-дан астам түрі, сондай-ақ мүгедектікті белгілеу бойынша 1 қызмет.
«2024 жылдың шілдесінен бастап Департамент құрылымының өзгеруіне байланысты 4 ауданаралық бөлім және 1 балалар бөлімі медициналық-әлеуметтік сараптама жүргізуде», - деді Р.Қасымова.
Мәселен, 2024 жылдың 7 айында 14 283 қызмет көрсетілді, оның ішінде алғашқы куәландырудан - 3 314, қайта куәландырудан - 10 969.
Алматыда барлығы 59 830 мүмкіндігі шектеулі адам тұрады, оның 50% - ы еңбекке қабілетті жаста.
ӨКҚ спикері нақтылағандай, есепті кезеңде халықты әлеуметтік қорғау саласындағы бақылау бөлімі «ҚР Әлеуметтік кодексінің» сақталуына 104 нысанды тексерді. Тексеру барысында 153 бұзушылық анықталып, жалпы сомасы 1 846 000 теңге болатын 10 әкімшілік хаттама жасалды.