2026 жылғы 25–26 ақпанда Алматы қаласында су тасқыны кезеңіне дайындық бойынша республикалық команда-штабтық оқу-жаттығулары өткізілді, – деп хабарлайды aqshamnews.kz тілшісі.
Оқу-жаттығулар ықтимал жағдайды болжауға, күштер мен құралдардың дайындық деңгейін тексеруге, алдын алу іс-шараларын жүргізуге және халықты оқытуға бағытталды.
Бірінші күн – 25.02.2026
ТЖД базасында қалалық жедел штаб жұмысын бастады.
Қала аумағындағы ықтимал жағдайдың даму болжамы жасалды.
Басқару органдары мен байланыс жүйесі дайындалды, халықты құлақтандыру жүйесі іске қосылды.
Су тасқынына қарсы күштер мен құралдар тексеріліп, жұмыс орындарына марш ұйымдастырылды.
Әуежай көлінде жылжымалы сорғы станциясы (ПНС), тасымалды және тіркемелі мотопомпалар тексерілді.
5 әлеуметтік нысанда қар тазалау жұмыстары жүргізіліп, 1 000 м³ қар шығарылды. Сонымен қатар арық желілері тазартылды.
Екінші күн – 26.02.2026
Қаланың әр ауданында қауіпті учаскелер анықталды.
Су басу қаупі бар аудандарда халықты қабылдау, медициналық, психологиялық және тамақтандыру пункттері ұйымдастырылды. Эвакуация элементтері пысықталды.
Мектептерде 10–11 сынып оқушыларына су тасқыны мен су басу жағдайларындағы іс-қимылдар оқытылды, жалпы 3 200 адам қамтылды.
Алматы қаласының 8 ауданында Үлкен Алматы, Есентай, Қарғалы, Кіші Қарасу өзендерінің арналары мен арық желілері қардан, мұздан және қоқыстан тазартылды.
Жалпы нәтижелер
20 шақырымнан астам өзен арналары тазартылды.
50 шақырымнан астам арық желілері тазартылды.
3 000 м³-тен астам қар, мұз және қатты тұрмыстық қалдық шығарылды.
Қала бойынша практикалық іс-шараларға шамамен 350 адам және 110-нан астам техника бірлігі жұмылдырылды.
Оқу-жаттығулар қаланың дайындық деңгейін арттыруға, ықтимал қауіп-қатерді болжауға және тұрғындардың қауіпсіздігін қамтамасыз етуге бағытталған.
