Денсаулық сақтау министрлігі Жаңа жылдық мерекелер кезінде пиротехникадан зардап шеккендердің статистикасын жариялады, деп хабарлайды aqshamnews.kz
Еліміз бойынша әртүрлі жарақат алған 63 адам тіркелді, оның ішінде 20 бала. Олардың 12-сі, соның ішінде 5 бала ауруханаға жатқызылды. Ал 51 науқас амбулаторлық ем қабылдауда, оның ішінде 15 бала бар.
Аймақтар бойынша жарақат алғандар:
▪️ Алматыда – 19 адам;
▪️ Жамбыл облысында – 11 адам;
▪️ Қарағанды, Маңғыстау, Қостанай облыстары мен Шымкентте – 6 адамнан;
▪️ Ақтөбе облысында – 2 адам;
▪️ Ақмола, Қызылорда, Атырау, Шығыс Қазақстан, Батыс Қазақстан, Алматы және Абай облыстарында – бір-бір жағдайдан тіркелген.
Барлық зардап шеккендерде көз жарақаттары, көздің қасаң қабығының күйігі, қолдың күйігі мен жарақаттары анықталған.
"Бір науқастың қабырғасы жараланған. Жағдайы тұрақты, қазіргі уақытта стационарлық ем қабылдауда", – деп хабарлады Денсаулық сақтау министрлігі.