Алматыда ауа райының ыстық болуына байланысты өрт қауіпті жағдай сақталуда. Бұл туралы Алматы қаласының Өңірлік коммуникациялар қызметінің брифингінде Алматы қаласы ТЖД Мемлекеттік өрт бақылау басқармасының басшысы Данияр Жүсіпов мәлімдеді, деп хабарлайды Almaty-akshamy.kz
«Жаз-бұл табиғи өрттердің пайда болу қаупі айтарлықтай артатын уақыт екені бәріңізге белгілі. Олар қоршаған ортаға, экономикаға және адамдардың денсаулығына елеулі зиян келтіруі мүмкін. Ауа-райы болжамына сәйкес, шілде айының соңында температура 40 градусқа дейін көтерілетін ыстық ауа-райы күтіледі. Бүгінгі күні «Қазгидромет» 2023 жылғы 23 шілдеден бері төтенше өрт қаупін сақталатынын айтып, шұғыл ескерту жасауда», - деп бөлісті спикер.
Департамент өрттің алдын алуға және сөндіруге бағытталған іс-шаралар кешенін өткізеді. Алматы ТЖД жеке құрамы жоғары дайындық режимінде.
Таулы орманды жерлерде өрттердің алдын алу, ерте анықтау және уақтылы жою мақсатында 26 маусымнан бастап Үлкен Алматы шатқалында механикалық күзет қойылды. Сондай-ақ, 11 шілдеден бастап құрғақ өсімдіктердің өртену қаупі жоғары жерлерде, бес учаскеде механикаландырылған күзет қойылды - олар Иштван Қоңыр көшесі, Кеңсай-2 ықшам ауданы, Көк-Төбе паркі, ҮАК бойымен Индустриалды аймақ.
«Таулы орманды жерлерде өрттің алдын алу мақсатында аумақтық бөлімшелердің қызметкерлері күнделікті мониторингті жүзеге асырады. Бүгінгі таңда 90-нан астам рейд жүзеге асырылды, 7 мыңнан астам жадынама табыс етілді, 170 - тен астам от жағу фактісі тоқтатылды, жалпы сомасы 5 млн теңгеден астам сомаға 100 жеке тұлға әкімшілік жауапкершілікке тартылды», - деп атап өтті Д.Жүсіпов.
Департамент жергілікті атқарушы және басқа органдармен бірлесіп тау-кен өрттерін сөндіру бойынша жою алгоритмін қайта өңдеп, келіскен.
«3 өрт-тактикалық оқу-жаттығу өткізілді. Табиғи өрттерге жедел әрекет ету мақсатында Департаментте 13 адамнан тұратын табиғи өрттерді сөндіру жөніндегі жиынтық жасақ құрылды, табиғи өрттердің пайда болуы туралы шақырту түскен кезде күштер мен құралдар №2 шақырудың жоғары дәрежесі бойынша жіберіледі», - деп атап өтті спикер.
Таулы-орманды жерлерде өрттің алдын алу мақсатында Департамент жаяу бөлімшелерден басқа патрульдеуде 3 дрон пайдаланады. Бұл дрондардың ерекшелігі-олар 8 км-ге дейін және теңіз деңгейінен 6000 метр биіктікте ұша алады, сонымен қатар жылу камералары мен дауыс зорайтқыш құрылғылармен жабдықталған, от тұтатуға болмайтын жерлерде от жағатын бұзушыларды әлдеқайда тиімді және жылдам табуға көмектеседі.
Сондай-ақ, Департамент деректері бойынша, таулы орманды жерлерде өрттерді сөндіруге дайындықта Алматы, «Қазавиақұтқару» және «Қазавиақұтқару» құтқару қызметінің 5 әуе борты бар, сондай-ақ Үлкен Алматы көлі, Пархач, әуежай және Юнатское көлдерінен авиациялық техникамен су алу мүмкіндігі көзделген.
ТЖД таулы орманды жерлерде өрттің жиі себебі адам факторы болып табылатынын атап өтті. Ал табиғи парктер аумағы (Іле-Алатау ұлттық паркі, Медеу табиғи паркі, Баум тоғайы және т.б.) табиғи өртке барынша бейім. Бұл аумақтар қала тұрғындары мен туристердің сүйікті орындары болып табылатындығын ескере отырып, ТЖД таулы жерлерде өрт қауіпсіздігінің қарапайым ережелерін сақтауға шақырады:
- демалыс орындарында қоқыс қалдырмау, тұтануы мүмкін қоқыстарды өзіңізбен бірге алып кету керек;
- жанып тұрған сіріңкелерді, темекі тұқылдарын тастамау, құрғақ шөпті күйдірмеу;
- осы мақсаттар үшін арналмаған жерлерде от жағуға, барбекю мен тамақ дайындауға арналған басқа да құрылғыларды пайдалануға болмайды.