Өртті сөндіруге «Қазавиақұтқару» тікұшағы ұшып шықты.
Алматының Медеу ауданында қураған шөп өртеніп жатыр, деп хабарлайды Аlmaty-akshamy.kz.
Алматы төтенше жағдайлар департаментінің мәліметінше, «Іле-Алатау паркі» мемлекеттік ұлттық табиғи паркінде, Кіші Алматы орманшылығы 38-аумағында қураған шөп пен ағаштар жанған.
Оқиға орнында «Іле Алатау» мемлекеттік ұлттық табиғи паркі қызметкерлерінен 42 адам және төтенше жағдайлар департаментінің 22 қызметкері, сондай-ақ 5 техника жұмылдырылған.