Алматы қаласы әкімдігінің «Алматы қаласы Қалалық мобилділік басқармасының шаруашылық жүргізу құқығындағы «Алматы паркинг»
коммуналдық мемлекеттік кәсіпорнының атауын өзгерту туралы»
2025 жылғы 20 қарашадағы № 4/752 қаулысына өзгерістер енгізу туралы
Алматы қаласының әкімдігі ҚАУЛЫ ЕТЕДІ:
1. Алматы қаласы әкімдігінің «Алматы қаласы Қалалық мобилділік басқармасының шаруашылық жүргізу құқығындағы «Алматы паркинг» коммуналдық мемлекеттік кәсіпорнының атауын өзгерту туралы» 2025 жылғы 20 қарашадағы № 4/752 қаулысына келесі өзгерістер енгізілсін:
аталған қаулымен бекітілген Алматы қаласы Жол қозғалысы және жолаушылар көлігін ұйымдастыру басқармасының шаруашылық жүргізу құқығындағы «Алматы паркинг» коммуналдық мемлекеттік кәсіпорнының Жарғысындағы:
14-тармақ мынадай редакцияда жазылсын:
«14. Кәсіпорын қызметінің мақсаты:
1) коммуналдық ақылы тұрақ қызметтеріне сұранысты қанағаттандыру және коммуналдықтұрақтардың тиімді және сапалы жұмыс істеуін қамтамасыз ету;
2) тұрақ кеңістігін басқарудың бірыңғай цифрлық жүйесін құру арқылы коммуналдық ақылы тұрақ саласында ашықтықты арттыру;
3) көше-жол желісінің өткізу қабілетін ұлғайту және қоршаған ортаның ластану деңгейін төмендету;
4) әртүрлі көлік түрлері үшін жаңа тұрақ орындарын анықтау арқылы қаланың бірыңғай тұрақ кеңістігін ұйымдастыру мен дамытуды, сондай-ақ көше-жол желісін оңтайландыру және көлік жүктемесін азайту мақсатында тұрақ кеңістігін ұтымды пайдалану мен ақы төлеуді бақылауды қамтамасыз ететін тұрақ орындарын басқарудың автоматтандырылған жүйесін пайдалануды және жетілдіруді қамтамасыз ету;
5) тұрақ орындары мен тұрақтарда электр көліктерін зарядтау үшін электр зарядтау станцияларының инфрақұрылымын дамыту;
6) көше-жол инфрақұрылым ұтымды пайдалану үшін жол қозғалысын реттеуге жәрдемесу;
7) қоғамдық қауіпсіздікті және ұсталған көлік құралдарын арнайы алаңдарда немесе тұрақтарда сақтау үшін оларды жеткізу (эвакуациялау) процесінүздіксіз ұйымдастыруды қамтамасыз ету.»;
41-тармақ мынадай редакцияда жазылсын:
« 41. Кәсіпорынның жарғылық капиталының мөлшері 2 295 318 582,70 (екі миллиард екі жүз тоқсан бес миллион үш жүз он сегіз мың бес жүз сексен екі) теңге, 70 тиынды құрайды.»;
2. Алматы қаласы Жол қозғалысы және жолаушылар көлігін ұйымдастыру басқармасы Қазақстан Республикасының заңнамасында белгіленген тәртіппен:
1) Кәсіпорынның тіркеуші органда мемлекеттік қайта тіркелуін қамтамасыз етсін;
2) осы қаулыдан туындайтын өзге де шараларды қабылдасын.
3. Осы қаулының орындалуын бақылау Алматы қаласы әкімінің жетекшілік ететін орынбасарына жүктелсін.
Алматы қаласының әкімі Д. Сатыбалды
