2025 жылдың 10 қыркүйегінде Алматы қаласының аумақтық сайлау комиссиялары оқушылардың өзін-өзі басқару сайлауына үміткер болғысы келетіндерге арналған шеберлік сабақтарын өткізді, деп хабарлайды Аqshamnews.kz тілшісі.
Шеберлік сабақтары Алматы қаласы бойынша Қазақстан Республикасы Конституциясының 30 жылдығына арналған іс-шаралар жоспарына сәйкес ұйымдастырылды. Шеберлік сабақтарына 9-11 сыныптардың оқушыларынан құралған, мектептегі өзін-өзі басқару ұйымына мүше болуға ниетті белсенді жастар қатысты.
Шараның басты мақсаты – жастардың сайлау мәдениетін арттыру, сондай-ақ өзін-өзі басқару ұйымының мақсаты мен міндеттерін таныстыру. Алматы қаласындағы мектеп оқушыларының өзін-өзі басқару ұйымы әртүрлі пішімде 215 мектепте ұйымдастырылған.
Бұл ұйымның негізгі мақсаты - оқушыларға өз мүдделерін іске асыруға және мектепті басқаруға қатысуға мүмкіндік беру, олардың дербестігін, жауапкершілігін, көшбасшылық қасиеттері мен әлеуметтік белсенділігін дамыту болып табылады. Барлығы 8 шеберлік сабағы өткізілді, оған 346 адам қатысты. Өткізілген шеберлік сабақтары жастар арасында үлкен қызығушылық танытты.
