Алматы қаласының коммуналдық инфрақұрылымды дамыту басқармасының басшысы лауазымына Алматы әкімі Ерболат Досаевтың өкімімен Шархан Тұрсынбаев тағайындалды, деп хабарлайды aqshamnews.kz
Шархан Шаймерденұлы Тұрсынбаев Қазақ бас сәулет-құрылыс академиясын және Қазақстан Халықтар достығы университетін бітірген.
Кәсіби мансабы 2010 жылы Алматы қаласы Мемлекеттік сәулет-құрылыс бақылау басқармасында бас маман болып жұмысқа кіріскен кезде басталды.
Кейінгі жылдары Әуезов және Наурызбай аудандары әкімдерінің аппараттарында түрлі қызметтер атқарды.
2018 жылы Алматы қаласы әкімі аппаратының ұйымдастыру және бақылау жұмысы бөлімінің бас маманы болып жұмыс істеді.
2019 жылдан 2024 жылдың мамырына дейін Алматы қаласы Әуезов ауданы әкімінің орынбасары, аппарат басшысы болып жұмыс істеді.
Осы тағайындауға дейін Алматы қаласы әкімі аппараты басшысының орынбасары болды.