Еліміздегі ең ірі шаһардағы тәртіп сақшылары академияның 300 мыңнан астам ғылыми және оқу басылымдары, оқу-әдістемелік құралдары мен көркем әдебиеті бар бай кітапхана қорына қол жеткізді.
Электронды кітапхананың және М. Есболатов атындағы ҚР ІІМ-нің Алматы академиясында Ахмет Байтұрсынов атындағы залдың салтанатты ашылуына Алматы қаласының полиция басшысы Арыстанғани Заппаров қатысты, деп хабарлайды Almaty-akshamy.kz Polisia.kz-ке сілтеме жасап.
Кітаптың электронды нұсқасы – қолдану үшін ең қолжетімді және ыңғайлы. Енді құпия сөз алған кез келген алматылық полицей кітапхана қорын пайдалана алады. Сонымен қатар, цифрлық кітапхана академия студенттері, магистранттар, докторанттар, оның ішінде қашықтан оқитындар, сондай-ақ біліктілігін арттыру курстарынан өтіп жатқан қызметкерлер үшін таптырмас көмекші болады.